Atyraýda qaıtys bolǵan sarbazdyń isi boıynsha tergeý bastaldy
ATYRAÝ. QazAqparat - Atyraýda merzimdi áskerı qyzmetshiniń qaıtys bolýyna qatysty tergeý bastaldy, dep habarlaıdy QazAqparat tilshisi.
«Bul jaǵdaımen qoǵamdyq densaýlyqty saqtaý departamenti jasaqtaǵan arnaýly komıssııa aınalysyp jatyr. Qyzmettik tekseris bastaldy. Qosymsha saraptamalar júrgiziledi, sodan keıin sarbaz kómek suraı júgingen medıtsına qyzmetkerleriniń áreketterine baǵa beriledi. Іs materıaldary áskerı prokýratýraǵa jiberildi, olar da oqıǵanyń mán-jaıyn tekseredi», - deıdi Atyraý oblystyq densaýlyq saqtaý basqarmasynyń basshysy Mánshúk Aımyrzaeva.
Eske sala keteıik, Pavlodar oblysynyń Aqsý qalasynan shaqyrylǵan 19 jastaǵy merzimdi áskerı qyzmetshi týberkýlez menıngıtinen qaıtys bolǵan edi. Dárigerlerdiń aıtýynsha, onyń aýrýy menıngokokty ınfektsııa sekildi juqpaly aýrýlar qataryna jatpaıdy, aýa jáne tamshylar arqyly juqpaıdy. Naýqastyń ókpesin flıýorografııadan ótkizý kezinde onyń ókpesi taza bolyp shyqty, sondyqtan da onymen birge qyzmet etip júrgenderge juqpaǵan.
