Atyraýda qaýipsizdik talabyna saı emes 2 nysannyń ıesine 50 AEK aıyppul salyndy
ATYRAÝ. QazAqparat - Atyraý oblysynda quqyq qorǵaý organdary terrorıstik turǵydan osal obektilerdi tekserý júrgizip jatyr. Kemshilik tabylǵan 2 nysannyń ıeleri ákimshilik jaýapkershilikke tartylyp, 50 AEK mólsherinde aıyppul salynǵan, dep habarlaıdy QazAqparat oblystyq polıtsııa departamentine silteme jasap.
Tártip saqshylary jyl basynan beri osyndaı 887 nysanda qarap shyǵyp, olardyń basshylaryna túsindirý jumystaryn júrgizgen.
Atyraý oblysyndaǵy «Terrorızmge qarsy is-qımyl týraly» zańynyń talaptaryna sáıkes kelmeıtin 68 nysannyń basshysy QR ÁQBtK-niń 149-baby jáne 462-baby 3-bóligi boıynsha jaýapkershilikke tartylyp, olarǵa qatysty 92 ákimshilik hattama toltyryldy.
Sonyń ishinde Atyraý mamandandyrylǵan kúzet qyzmeti basqarmasy qyzmetkerlerimen birlesip nysandardy tekserý barysynda, quqyq buzýshylyqtar anyqtalyp, QR ÁQBtK-niń 470-baby boıynsha 2 nysan ákimshilik jaýapkershilikke tartylyp, 50 AEK mólsherinde aıyppul salyndy.
