Atyraýda qaýipsizdik beldigin taqpaǵan 6 myńǵa jýyq júrgizýshi jazalandy

Oblystyq polıtsııa departamentiniń baspasóz qyzmetinen málim etkendeı, qaýipsizdik beldigi – kez kelgen júrgizýshi men jolaýshylardy senimdi qorǵaý quraly. Biraq, bul erejeni elemeıtinder bar.
«Atyraý qalasynyń aýmaǵynda jyl basynan beri 6 myńǵa jýyq júrgizýshi qaýipsizdik beldigin taqpaǵany úshin ákimshilik jaýapkershilikke tartyldy. Mundaı zań buzýshylyq Jedel basqarý ortalyǵynyń beınebaqylaý kameralary arqyly anyqtaldy. Máselen, ortalyqtyń ınspektorlary Q.Sátbaev kóshesiniń boıynda Toyota Camry avtokóliginiń júrgizýshisi qaýipsizdik beldigin taqpaǵanyn tirkedi. Kólik júrgizýshisiniń kim ekeni anyqtalyp, oǵan qatysty QR Ákimshilik quqyqbuzýshylyq týraly kodeksiniń 593-baby 2-bóligimen ákimshilik hattama toltyryldy. Júrgizýshige 5 aılyq eseptik kórsetkish kóleminde 15 315 teńge aıyppul salyndy.
Júrgizýshi de, barlyq jolaýshylar da kez kelgen jaǵdaıǵa qaramastan ár saparda qaýipsizdik beldigin taǵýǵa mindetti ekenin eskertemiz», - deıdi Atyraý qalalyq polıtsııa basqarmasy patrýldik polıtsııa batalonynyń komandıri Dáýren Násıpolla.
Sondaı-aq kólik terezesin zańsyz qarańǵylaǵan 1,5 myńǵa jýyq júrgizýshige aıyppul salynǵan.
Eske sala ketelik, buǵan deıin Atyraýda jeńil kólik avtobýspen soqtyǵysyp, júrgizýshi kóz jumǵanyn habarlaǵan edik.