Atyraýda qatty jelge baılanysty 91 metr bıiktegi týdy alyp tastady
ATYRAÝ. QazAqparat –Atyraýda qatty jelge baılanysty 91 metr bıiktegi týdy alyp tastady, dep habarlaıdy QazAqparat.
Buǵan deıin Atyraýda bıiktigi 91 metrlik týtuǵyr ornatylǵan bolatyn. Uzyndyǵy 80 metrlik týtuǵyr kompozıtsııasy doǵa pishindi etip jasalǵan. Kompozıtsııanyń orta tusynda Qazaqstan Respýblıkasynyń kartasy, joǵary jaǵynda Eltańba, al shetki bóligine Ánuran jazylǵan. Konýs pishindi týtuǵyrǵa kólemi 29h14,5 metr bolatyn Tý ilingen edi.
Oblystyq ishki saıasat basqarmasynyń basshysy Qanat Ázmuhanovtyń aıtýynsha, qalada jel ekpini kúsheıgendikten, týtuǵyrdaǵy baıraqty alyp tastaýǵa sheshim qabyldanǵan.
«Memlekettik týǵa asa qasterli rámiz retinde erekshe nazar aýdarý kerek. Sol sebepten, Týdy týtuǵyrdan alyp tastaý týraly sheshim aýa-raıynyń qolaısyzdyǵyna baılanysty bolyp otyr», - deıdi Qanat Ázmuhanov.
Onyń aıtýynsha, aýa-raıy turaqtalǵannan keıin tý qaıtadan ilinedi.
