Atyraýda qatty jelden turǵyn úıdiń shatyry ushyp, kólikterdi basyp qaldy
ATYRAÝ. QazAqparat - Atyraýda qatty jeldiń saldarynan turǵyn úıdiń shatyry ushyp, avtokólikterge tıgen, dep habarlaıdy QazAqparat.
Búgin, shamamen saǵat 13.00-de aıaq astynan kúsheıip ketken jel ortalyqtaǵy A. Qunanbaev kóshesindegi 100 páterlik №19 úıdiń shatyryn ushyryp, joldyń ústine túsirdi. Saldarynan úsh avtokólik jolǵa qulaǵan shatyrdyń astynda qaldy.
Oblystyq TJD baspasóz qyzmetiniń málimetinshe, oqıǵa saldarynan eshkim zardap shekpegen. Aıta ketý kerek, kýágerlerdiń aıtýynsha, arnaıy mamandar kelgenshe oqıǵa ornyndaǵylar ketip qalǵan.
Qazir tótenshe jaǵdaı týyndatqan jaısyzdyqtyń saldaryn joıyp, qaýipsizdikti qalpyna keltirý jumystary júrgizilip jatyr.
Áleýmettik jelidegi beıneden skrınshot
