Atyraýda qatty jelden kópqabatty úıdiń qaptamasy búlindi
ATYRAÝ. QazAqparat - Atyraý qalasynda úshinshi kún qatarynan soqqan qatty jeldiń saldarynan kópqabatty úıdiń qaptamasynyń bir bóligi búlindi, dep habarlaıdy QazAqparat.
Atyraýda úshinshi kún qatarynan soqqan daýyl jeldiń ekpini basylar emes. Jeldiń jyldamdyǵy sekýndyna 20 metrge deıin jetti. Keshe Atyraý qalasyn shańdy daýyl basyp qaldy.
Atyraý qalalyq ákimdigi baspasóz qyzmetiniń habarlaýynsha, kúshti jeldiń saldarynan Isataı-Mahambet alańyndaǵy dekoratıvti arka búlingen. Sondaı-aq, Almagúl yqshamaýdanyndaǵy kópqabatty úıdiń qaptamasynyń bir bóligi jaramsyz bolyp qalǵan. Sondaı-aq, keıbir jarnama bannerlerin de jel jaramsyz etken.
«Merekege qaramastan, búlingen arka, kópqabatty úı qaptamasy men bannerler qalpyna keltirilip jatyr», - dep habarlady Atyraý qalalyq ákimdigi baspasóz qyzmeti.
