Atyraýda qatty jelden kardıologııalyq ortalyqtyń shatyry ushyp, bir adam aýrýhanaǵa tústi
ATYRAÝ. QazAqparat – Atyraýda qatty jelden kardıologııalyq ortalyqtyń shatyry ushyp, bir adam aýrýhanaǵa tústi, dep habarlaıdy QazAqparat.
Budan buryn Atyraý oblysynda qatty jel shatyrlardy ushyryp áketkenin jazǵan edik.
Oblystyq tótenshe jaǵdaılar departamenti baspasóz qyzmetiniń málimetine súıensek, búgin, 29 naýryzda qatty jeldiń ekpini sekýndyna 22-28 metrge jetken. Qatty jel áli basylǵan joq. Shańdy daýyl soǵyp tur.
«Qatty jelden Atyraý qalasynda ornalasqan oblystyq kardıologııalyq ortalyqtyń 100 sharshy metrlik shatyry ushyp ketti. Tabıǵat qubylysynan bolǵan oqys oqıǵadan eshkim zardap shekken joq», -dep málim etti departamenttiń baspasóz qyzmeti.
Al, oblystyq densaýlyq saqtaý basqarmasy baspasóz qyzmetiniń aqparatyna qaraǵanda, jeldiń saldarynan zardap shekken 3 adam oblystyq aýrýhananyń travmatologııa bólimine júgingen.
«Dárigerler kómegine júgingen adamdar jelden qaqpaǵa qysylyp qalǵan. Bir adam oblystyq aýrýhananyń travmatologııa bólimine jatqyzyldy. Onyń qoly synǵan, ózge de jaraqaty bar. Qazir naýqastyń jaǵdaıy birqalypty dep baǵalanyp otyr. Al, eki adamǵa medıtsınalyq kómek kórsetilip, úıine jiberildi», -dep habarlady basqarmanyń baspasóz qyzmeti.
