Atyraýda qatty jelden qandaı nysandar búlingeni anyqtaldy
ATYRAÝ. QazAqparat – Atyraý oblysynda qatty jelden qandaı nysandardyń búlingenianyqtaldy, dep habarlaıdy QazAqparat.
Oblystyq tótenshe jaǵdaılar departamentiniń habarlaýynsha, keshe tústen keıin qatty jel
men jaýynnan Qurmanǵazy aýdanyndaǵy birneshe nysan búlingen. Sonyń biri – aýdan
ortalyǵyndaǵy M.Áýezov atyndaǵy orta mektep. Bilim ordasy 1982 jyly boı kótergen.
Oǵan 2014 jyly kúrdeli jóndeý júrgizilgen. Qatty jelden mekteptiń ( aýmaǵy 448 sharshy metr) shatyry ushyp ketken.
Sondaı-aq, Safon aýylynda ornalasqan F.Engels atyndaǵy orta mekteptiń de 150
sharshy metr shatyry búlingeni anyqtalǵan. Bul mektep 2011 jyly paıdalanýǵa berilgen.
«Reseıdiń Astrahan oblysymen shekaradaǵy shekarashylar zastavasynyń jylý berý
ǵımaraty men qyzmettik nysanynyń shatyry búlindi. Qatty jelden búlingen jeke
turǵyn úılerdiń esebi shyǵarylyp jatyr», - dep habarlady oblystyq tótenshe jaǵdaılar
departamentiniń baspasóz qyzmeti.
