Atyraýda qatty jel mekteptiń shatyryn ushyryp áketti
Sınoptıkter sońǵy birneshe kúnnen beri Atyraýda qatty jel soǵatynyn eskertken edi.
Al, keshe 27 shildede qatty jel soǵyp, nóser jaýdy.
Qatty jeldiń saldarynan Atyraý qalalyq bilim bólimine qarasty jalpy bilim beretin N26 S.Datov atyndaǵy orta mekteptiń shatyryn ushyryp áketti.
Atyraý oblystyq bilim basqarmasynyń baspasóz qyzmetiniń málimetinshe, bul mektep 1992 jyly salynǵan. Mekteptegi oryn sany 624 oqýshyǵa eseptelgen.
Tabıǵat qubylysynan adam shyǵyny bolǵan joq. Al, atalǵan mektepke keltirilgen shyǵynnyń naqty kólemin anyqtaý jumystary júrgizilip jatyr.
Mekteptiń búlingen shatyryn qalpyna keltirý jumystaryn jaqyn kúnderi bastaý josparlanyp otyr. Bul oblys basshylyǵynyń baqylaýda tur.
Atyraýda búgin taǵy da kún kúrkireıtini týraly eskertý taralyp jatyr.
Eske sala ketelik, buǵan deıin Atyraý oblysynyń Jylyoı aýdanynda birneshe eldi meken jaryqsyz qalǵanyn habarlaǵan edik.