Atyraýda qatty jel birneshe úıdiń shatyryn zaqymdady
Atyraý turǵyndaryna «9 jeltoqsanda jeldiń ekpini sekýndyna 15-20 metrge jetedi» degen eskertý kelgen bolatyn. Oblystyq tótenshe jaǵdaılar departamenti baspasóz qyzmetiniń málimetine súıensek, keshe turǵyndardan birneshe qońyraý túsken.
«Qatty jeldiń saldarynan Atyraý qalasyndaǵy Abaı, Qojaqaev kóshelerinde, «Leshoz» shaǵyn aýdanynda ornalasqan turǵyn úılerde shatyryn zaqymdaǵan. Bul týraly turǵyndardan túsken shaǵymǵa baılanysty qutqarýshylar ushqaly turǵan shatyrlardy bekitý jumystaryn júrgizdi. Sondaı-aq, Q.Sátbaev kóshesindegi 5 qabatty turǵyn úıdiń syrtqy qaptamasynyń qulaǵaly turǵan bólikterin alyp tastady», - dep habarlady departamenttiń baspasóz qyzmeti.
Eske sala ketelik, buǵan deıin Atyraýda jeke úı órtenip, kúıik shalǵan bir adam aýrýhanaǵa túsken bolatyn.
