Atyraýda qatty qaldyqtardy suryptaıtyn tsex iske qosylady
ATYRAÝ. QazAqparat - Atyraýda qatty qaldyqtardy suryptaýǵa arnalǵan tsex iske qosylady, dep habarlaıdy QazAqparat ákimdiktiń baspasóz qyzmetine silteme jasap.
2019 jyldyń 1 qańtarynan bastap Qazaqstan Respýblıkasynyń Energetıka mınıstrligi plastmassany,qoqys pen qoqys qaldyqtarynyń barlyq túrlerin kómýge tyıym salǵan.
Osyǵan baılanysty, Atyraý qoqys polıgonynda qatty turmystyq qaldyqtardy suryptaýǵa arnalǵan tsexty ornatý josparlanyp otyr.
«Arnaýlyavtobaza» JShS basshylyǵynyń aıtýynsha, qazirgi ýaqytta ınvestorǵa qajetti jabdyqty satyp alýǵa qarajat bólindi. Tsex aǵymdaǵy jyldyń ekinshi toqsanynda iske qosylady.
«Jańa tseh táýligine 100 tonna qoqys shyǵarýdy josparlap otyr. Osy jobanyń arqasynda shamamen 70 adam jumysqa ornalasady», - dedi «Arnaýlyavtobaza»JShS dırektory Almas Іztileýov.
Qazirgi ýaqytta qalada plastıkalyq qaldyqtardy jınaýǵa arnalǵan 300 konteıner ornatylǵan. Jyl ishinde olardy 500-ge deıin arttyrý josparlanýda.
«Budan basqa, aǵymdaǵy jyldyń naýryz aıynda azamattarǵa yńǵaıly bolý úshin plastık, qaǵaz jáne shyny qabyldaý úshin 10 núkte ashamyz. Qoqys jınaýǵa arnalǵan konteınerlerge qosyp barlyq jerlerde de shyny tastaıtyn konteınerler ornatylady. Osylaısha, Atyraý turǵyndary birtindep qoqysty bólek jınaýǵa kóshedi», - dedi Almas Іztileýov.
Qalalyq polıgonnan táýligine 300 tonnaǵa deıin qoqys shyǵarylady. Jınalǵan plastıktiń bir bóligi Reseıge qaıta óńdeý úshin jiberiledi, bir bóligi qurylys materıaldary óndirisinde qoldanylady.
