Atyraýda Kaspıı jaǵalaýyndaǵy qamys órtenip jatyr
ATYRAÝ. QazAqparat - Atyraýdan birneshe shaqyrym jerdegi Kaspıı teńiziniń jaǵalaýyndaǵy bıiktigi úsh metrge deıin jetetin qamystar órtenip jatyr, dep habarlaıdy QazAqparat.
«Qamystyń órtenip jatqanyn bilemiz. Batpaqty jerdegi qopa órtenip jatqandyqtan otqa oranǵan aýmaqtyń aýdany belgisiz. Arnaıy tehnıka ol jerge jete almaıdy», - dep habardaıdy Atyraý oblysynyń Tótenshe jaǵdaılar departamenti.
Ázirge áýege kóterilgen tútin men kúıeni jel teńizge aıdap ketip jatyr. Eger jel qalaǵa qaraı soqsa onda kúıe jaýýy múmkin. Áleýmettik jeli paıdalanýshylarynyń jazýynsha, jaǵalaýdaǵy qamys-qopada kóptegen tasbaqa, jylan mekendeıdi. Myńdaǵan qustar uıa salady. Onyń ishinde Qyzyl kitapqa engizilgen sırek kezdesetin kókqutan da bar.
Oblysta órtti áýeden sóndirýge múmkindik joq.
