Atyraýda Kaspıı jaǵalaýyndaǵy qamys órtendi
ATYRAÝ. QazAqparat – Atyraý oblysynda Kaspıı teńiziniń jaǵalaýyndaǵy qamys órtendi, dep habarlaıdy QazAqparat.
Oblystyq tótenshe jaǵdaılar departamenti baspasóz qyzmetiniń málimetine súıensek, búgin, 19 mamyrda tús mezgilinde teńiz jaǵalaýyndaǵy qamys órti týraly zabar túsken.
«Teńiz jaǵalaýyndaǵy qamys órtin barlaý úshin saǵat 16:00-de «Kazavıaqutqarý» AQ batys óńirlik fılıalynyń «MI-8 MTV» tikushaǵymen áýeden barlaý uıymdastyryldy. Barlaý kezzinde qamys órtiniń Keńózek aýyldyq okrýgine qarasty Tasqala aýylynan shamamen 40 shaqyrym qashyqta, Kaspıı teńiziniń jaǵalaýynda ekeni anyqtaldy. Teńiz jaǵalaýyndaǵy batpaqty jerde shamamen 32 ga aýmaqtyń qurǵaq shóbi men qamys janǵan. Sondaı-aq, 10,6 gektar aýmaqtaǵy 5 órt oshaǵy anyqtalyp, tikushaqpen áýeden birneshe ret sý tógildi» dep habarlady departamenttiń baspasóz qyzmeti.
Qazir qamys órtiniń eldi mekender men egistik alqaptarǵa taralmaýyn qadaǵalaý úshin 2 órt sóndirý avtokóligimen kezekshilik uıymdastyrylǵan.
Al, erteń 20 mamyrda dala órtin sóndirýge arnaıy mamandar men tehnıkalardy jumyldyrýǵa daıyndyq júrgizilip jatyr.
Eske sala ketelik, budan buryn Atyraý oblysynda kómir tıelgen júk kóligi órtengen edi.
