Atyraýda Kaspıı teńiziniń jaǵalaýyndaǵy qamys taǵy órtendi
ATYRAÝ. QazAqparat – Atyraý oblysynda Kaspıı teńiziniń jaǵasyndaǵy qamys taǵy da órtendi, dep habarlaıdy QazAqparat.
Oblystyq Tótenshe jaǵdaılar departamentiniń málimetine súıensek, 1 qyrkúıekte saǵat 19:45-te ǵaryshtyq baqylaý monıtorıngi arqyly teńiz jaǵalaýyndaǵy qamystyń órtengeni anyqtalǵan.
«Tótenshe jaǵdaılar departamentiniń 3 qyzmetkeri oqıǵa ornyna baryp, órttiń Atyraý qalasynan shamamen 35 km qashyqta, Kaspıı teńiziniń batpaqty jaǵalaýynda oryn alǵanyn anyqtady. 2 qyrkúıekte departament bastyǵynyń orynbasary, azamattyq qorǵaý polokvnıgi R. Blıalovtyń basshylyǵymen «Eurocopter» 145 UP-ES033» tikushaǵymen Kaspıı teńiziniń jaǵalaýy men «Aq Jaıyq» memlekettik tabıǵı rezervaty aýmaǵynyń shekarasyndaǵy qamys órtine áýeden barlaý jasaldy. Barlaý kezinde «Vesta» aýdanynda shamamen 500-800 sharshy metr bolatyn úsh oshaq anyqtaldy. Buryn órtengen qamystyń orny tútindep jatyr. Órtengen aýmaqtyń jalpy aýdany 2 gektardy quraıdy», - dep habarlady departamenttiń baspasóz qyzmeti.
Al «Aq Jaıyq» memlekettik tabıǵı rezervatynyń ujymy órttiń taralmaýy úshin 25 qyzmetker men 7 tehnıkany daıyndap otyr.
Eske sala ketelik, budan buryn Atyraýda Kaspıı jaǵalaýy órtenip jatqanyn habarlap edik.
