Atyraýda Kaspıı mańy memleketteri stýdentteriniń sporttyq oıyndary ótedi

ATYRAÝ. QazAqparat - Ýnıversıadanyń saltanatty ashylýy 24 qyrkúıekte Atyraý memlekettik ýnıversıtetiniń «Jaıyq» sport kesheninde ótedi, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.

Atalmysh sharany Atyraý oblysynyń dene shynyqtyrý jáne sport basqarmasy uıymdastyrady. 30 qyrkúıekke deıin jalǵasatyn jarysqa 5 memlekettiń 700 sportshysy qatysady.

Ýnıversıada 10 sport túrinen jeńimpazdardy anyqtaıdy. Stýdentter basketbol, júzý, jeńil atletıka, boks, karate-do jáne t.b. ýnıversıtetterdiń basqa ókilderimen básekelesýge nıetti. Barlyǵy 400 medal jıyntyǵy sarapqa salynady.

«Qazaqstan, Reseı, Iran jáne basqa elderdiń joǵary oqý oryndarynyń stýdentteri arasynda osyndaı iri sport jarystaryn ótkizý búkil Atyraý oblysy úshin úlken mártebe. Ýnıversıtetke 170-ten astam sportshy qatysady. Biz olardyń jeńisine senemiz jáne olarǵa sáttilik tileımiz», - dedi H.Dosmuhamedov atyndaǵy Atyraý memlekettik ýnıversıtetiniń baspasóz hatshysy Saǵynbek Aronov.

Aıta keteıik, ýnıversıada 2000 jyldan beri ótkizilip keledi. Al alǵashqy oıyndar Astrahan qalasynda ótken. Ártúrli elderdiń sportshylarymen kezdesý Kaspıı mańy memleketteri arasyndaǵy baılanystardy nyǵaıtýǵa, aralyq dostyqty damytý jáne sportqa degen qyzyǵýshylyqty arttyryp, salaýatty ómir saltyn qalyptastyrýǵa baǵyttalǵan.