Atyraýda kásiporyn jumysshylaryna 56 mln teńgeni keshiktirip tólegen
Oblystyq memlekettik eńbek ınspektsııasy basqarmasynyń málimetine qaraǵanda, QR Eńbek Kodeksiniń 113-babyna sáıkes jalaqy tóleý merzimin saqtamaı, keshiktirý derekteri áli de kezdesedi.
«Atyraý qalalyq prokýratýrasymen birlesken tekserý kezinde eńbek zańnamasyn buzý, onyń ishinde jalaqyny ýaqtyly bermeý nemese keshiktirý faktileri anyqtaldy. Mysaly, Erkinqala aýyldyq okrýgindegi №37 «Bolashaq» bóbekjaı-baqshasynyń qyzmetkerlerine mamyr aıyna 4 277 639,0 teńge, al, «Atyraý NefteMash» JShS-niń maýsym aıyna 327 qyzmetkerge 56 114 706 teńge kóleminde eńbekaqyny tólemegeni anyqtaldy. Atalǵan zań buzýshylyqtar boıynsha jaýapty qyzmetkerler QR Ákimshilik quqyq buzýshylyq týraly Kodeksiniń 87-babyna sáıkes ákimshilik jaýapqa tartyldy. Al, qyzmetkerlerge eńbekaqy tolyǵymen tólendi» -dep haarlady Oblystyq memlekettik eńbek ınspektsııasy basqarmasynan.
