Atyraýda kásipkerlerge kómektesetin geoportal ashyldy
ATYRAÝ. QazAqparat - Atyraýda óńirdiń kásipkerler palatasynda kásipkerlerge kómektesetin geoportaldyń tusaýkeseri ótti, dep habarlaıdy QazAqparat tilshisi.
«Atyraý oblysynda jer máselesin sheshýde bızneske sebi tıetin geoaqparattyq portaldyń qyzmetin keńeıtý boıynsha jumystar júrip jatyr. Geoportal - jergilikti atqarýshy organdar úshin de, bıznes pen halyq úshin de alýan túrli derekkózderden keletin aqparatty júıeleýdiń tıimdi quraly», - deıdi «KAZGISA» JShS bas dırektory Rústem Jetpisov.
Onyń sózine qaraǵanda, geoportal arqyly kartada qala jáne oblys týraly kez kelgen aqparatty ornalastyrý, onlaın rejımdegi monıtorıng júıesin qosý, qaladaǵy jaǵdaıdy josparlaý jáne modeldendirý múmkindigi bar.
«Geoportalǵa standartty veb-braýzer arqyly kirýge bolady. Kartaǵa artyq kúsh túspeýi úshin aqparat túrli qabattarda ornalasady. Bul tıisti qabatqa ótý arqyly qajetti nysandardy izdeýdi jeńildetedi. Máselen, qabattardyń biri óńirdiń áleýmettik ınfraqurylym nysandaryn kórsetse, endi biri qaladaǵy kólik qozǵalysyn, t.b. kórsetedi», - deıdi ol.
