Atyraýda kásipkerler jobasyna 28 mlrd teńge nesıe berildi
ATYRAÝ. QazAqparat – Atyraý oblysynda 453 kásipkerdiń jobasyna 28 mlrd 600 mln teńge nesıe berildi, dep habarlaıdy QazAqparat.
Atyraý oblysynyń ákimi Mahambet Dosmuhambetovtiń aıtýynsha, pandemııa ýshyqqan kezde shaǵyn jáne orta bıznestiń 22 myńnan astam sýbektisine salyqtyq jeńildikter berilgen. Al 5 myńǵa jýyq kásipkerlik sýbektisi kómek alǵan.
«Bıznestiń jol kartasy – 2025» baǵdarlamasy sheńberinde 453 kásipker jobasyn iske asyrý úshin 28 mlrd 600 mln teńgege nesıe alǵan. Kásipkerler óz jobalary arqyly 670 jańa jumys ornyn ashady», - dedi Mahambet Dosmuhambetov.
Eske sala ketelik, budan buryn Atyraý oblysynda kásipkerlik nysandarynyń sany 50 myńnan asqanyn habarlaǵan bolatynbyz.
