Atyraýda kásipkerler úshin vaktsına saldyrý kúni ótti
ATYRAÝ. QazAqparat – Atyraýda kásipkerler úshin vaktsına saldyrý kúni ótti, dep habarlaıdy QazAqparat.
Oblystyq kásipkerler men jumys berýshiler odaǵy dırektorynyń orynbasary Rafhat Bozbalıevtyń aıtýynsha, Atyraýda 50 myńnan astam shaǵyn jáne orta bıznes nysany tirkelgen.
«Qazir óńirdegi kásipkerlik nysandarda 125 myń adam jumyspen qamtylǵan. Kásipkerler de koronavırýs ınfektsııasynyń taralýyna baılanysty karantındik shekteý sharalaryna túsinistik tanytyp otyr. Búgin QR Bas memlekettik sanıtarlyq dárigeriniń vaktsına almaǵan adamdardyń jumysqa qosylmaıtyny týraly qaýlysy kúshine endi. Osyǵan baılanysty bıznes ıeleri men olardyń qyzmetkerleri úshin vaktsına saldyrý kúnin ótkizdik. Bir kúnde 30-ǵa jýyq adam vaktsına saldyrdy», - deıdi Rafhat Bozbalıev.
Eske sala ketelik, budan buryn Atyraý oblysynda vaktsınanyń eki komponentin saldyrǵandar sany 139 myńnan asqanyn jazǵan edik.
