Atyraýda qarýdy zańsyz saqtap, qarasora ósirgen turǵyn qamaldy

ATYRAÝ. QazAqparat – Atyraý oblysynyń turǵyny úıinde esirtki, qarý men oq-dáriler saqtap, aýlasynda qarasora plantatsııasyn ósirgeni úshin qamaýǵa alyndy, dep habarlaıdy QazAqparat.

Qurmanǵazy aýdandyq polıtsııa bóliminiń qyzmetkerleri jedel aldyn alý is-sharalary kezinde aýyl turǵynynyń birneshe bap boıynsha quqyq buzǵanyn anyqtady.

«55-jastaǵy azamattyń mekenjaıynan jalpy salmaǵy 900 gramm 43 oramǵa bólip salǵan qarasora, sonymen qatar, zańsyz saqtalǵan 16-kalıbrli ańshy myltyǵy, 50 dana oq-dári, 62 dana gılza tabyldy. Sondaı-aq. onyń aýlasynda quramynda esirtki zattary bar ósimdikterdi ósirgeni anyqtalyp, 178 túp qarasora alyndy» -dep habarlady oblystyq polıtsııa departamentiniń baspasóz qyzmeti.

Qazir quqyq buzǵan azamat ýaqytsha oqshaýlaý ızolıatoryna qamaýǵa alyndy. Oǵan qatysty QR Qylmystyq Kodeksiniń «Quramynda esirtki zattary bar ósirýge tıym salynǵan ósimdikterdi zańsyz ósirgeni» jáne «Esirtki zattardy ótkizý maqsatynsyz zańsyz daıyndap, keptirip, úgitip satý» bapbarymen sotqa deıingi tergeý júrgizilýde. Sondaı-aq, QR Ákimshilik quqyq buzýshylyq týraly Kodeksiniń 482-babymen (Qarýdy zańsyz saqtaý) ákimshilik hattama rásimdelgen.

Eske sala ketelik, budan buryn Atyraý turǵyny aýlasynda qarasora ósirgeni týraly habarlap edik.