Atyraýda qarý tasymaldaǵan júrgizýshi ustaldy
ATYRAÝ. QazAqparat - Atyraýda polıtsııa qyzmetkerleri qarý tasymaldaǵan júrgizýshini ustady, dep habarlaıdy QazAqparat tilshisi.
Oblystyq polıtsııa departamentiniń baspasóz qyzmeti taratqan málimetke qaraǵanda, kóligine sýyq qarý salyp júrgen júrgizýshi polıtsııadan qashpaq bolǵan.
«Patrýldik polıtsııa qyzmetkerleri «Almagúl» yqshamaýdanynda «Mitsubishi Lanser» kóligin toqtatýǵa tyrysty. Alaıda, kólik júrgizýshisi polıtseılerdiń zańdy talabyna baǵynbaı, izin sýytpaqshy boldy. Polıtseıler sheteldik kóliktiń júrgizýshisin qolǵa túsirdi. Tekserý kezinde júrgizýshiniń kólik rýline mas kúıde otyrǵany belgili boldy. Al, onyń basqarýyndaǵy kólikten sholaq myltyq tabyldy», - dep habarlady departamenttiń baspasóz qyzmeti.
Sot medıtsınalyq saraptamanyń qorytyndysymen júrgizýshiniń jeńil dárejeli ishimdik ishkeni dáleldengen. Oǵan qatysty QR Ákimshilik quqyq buzýshylyq týraly Kodeksiniń 608-babymen (Júrgizýshiniń kólik quralyn alkogoldik mas kúıde basqarýy) hattama toltyrylǵan.
Sondaı-aq, QR Qylmystyq Kodeksiniń 287-baby, 3-bóligimen (Atys qarýyn, oq-dárilerdi jarylǵysh zattardy nemese jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý) sotqa deıingi tergep-tekserý júrgizilip jatyr.
