Atyraýda qaraýsyz qalǵan 1 jasar sábı qudyqqa túsip ketken
ATYRAÝ. QazAqparat – Atyraýda qalǵan 1 jasar sábı turǵyn úıdiń mańyndaǵy qudyqqa qulaǵan, dep habarlaıdy QazAqparat.
Oblystyq Tótenshe jaǵdaılar departamenti baspasóz qyzmetiniń málimetinshe, oqys oqıǵa keshe 11 tamyzda saǵat 23:15-te bolǵan.
«Departamenttiń dıspetcherlik pýltine Atyraý qalasynyń mańyndaǵy Aqsaı-2 eldi mekeninde 1 jasar sábıdiń qudyqqa qulaǵany týraly habar tústi. Atalǵan eldi mekendegi №23-kóshede ornalasqan jeke úıdiń aýmaǵynda balaqaı ata-anasynyń qaraýynsyz júrgeni anyqtaldy. Jaraqat alǵan bala oblystyq balalar aýrýhanasyna jatqyzyldy. Qazir onyń jaǵdaıy aýyr», - dep habarlady departamenttiń baspasóz qyzmetinen.
Osyǵan oraı departament mamandary balalardy úlkenderdiń qaraýsyz qaldyrmaýdy eskertip otyr.
Eske sala ketelik, buǵan deıin Atyraýda eki jasar sábı 5-shi qabattan qulap ketken edi.
