Atyraýda karantındik shekteý sharalary kúsheıtildi
«Atyraý qalasynda epıdemıologııalyq ahýal tolyq turaqtalǵanǵa deıin kelesi krantındik shekteý is- sharalary saqtalsyn. Kópshilik is sharalardy (merekelik, oıyn- saýyq, kópshilik mádenı, sporttyq, bilim berý salasyndaǵy is-sharalaryn, kórmelerdi, korporatıvti, forýmdardy, konferentsııalardy, sondaı-aq otbasylyq, estelik is- sharalardy (banketter, úılený toılary, mereıtoılar, eske alý jáne t. b.), onyń ishinde úıde jáne jappaı adamdar jınalatyn ózge de is-sharalardy ótkizýge tyıym salynsyn», - delingen Atyraý qalasynyń bas sanıtar dárigeri Qanat Ǵaınedenovtiń jańa qaýlysynda.
Sondaı-aq, barlyq oıyn-saýyq obektileriniń, banket zaldarynyń, túngi klýbtardyń, karaoke, kompıýterlik jáne oıyn klýbtarynyń, kalıan, býkmekerlik keńselerdiń qyzmetin, menshik nysanyna qaramastan mektepke deıingi balalar mekemeleriniń (kezekshi toptardy qospaǵanda), mádenı nysandardyń, jeke, toptyq daıyndyqtardy qosa alǵanda kınoteatrlardyń, teatrlardyń qyzmeti toqtatyldy.
Eske sala ketelik, budan buryn Atyraýda kópshilik is-sharany ótkizýge tyıym salynǵanyn habarlaǵan edik.
