Atyraýda karantındik shekteý sharalary qaıta kúsheıtildi
Bas sanıtar dárigerdiń №71 qaýlysynda: «Atyraý oblysynyń aýmaǵynda epıdemıologııalyq jaǵdaı turaqtalǵanǵa deıin sharýashylyq jáne (nemese) ózge de qyzmetpen jáne halyqtyń tynys-tirshiliginiń erekshe jaǵdaılarymen shekteý sharalary engizilsin. Shekteý is-sharalarynyń rejımi men merzimderi oblys aýmaǵynda COVID-19 koronavırýstyq ınfektsııasynyń taralýy boıynsha ahýaldyń ózgerýine sáıkes qaıta qaralýy múmkin», - delingen.
Qaýlyǵa sáıkes, Teńiz ken ornynda karantındik jáne shekteý sharalary epıdemıologııalyq jaǵdaı turaqtalǵanǵa deıin uzartyldy.
Al óńir turǵyndaryna respıratorlyq ınfektsııanyń alǵashqy belgileri paıda bolǵan
kezde (qurǵaq jótel, qyzba, tynys alýdyń qıyndaýy, entigý jáne t.b.) medıtsınalyq
uıymdarǵa barmaı, jedel medıtsınalyq kómek 103-ke qońyraý shalý arqyly úıden medıtsınalyq kómekke júginý;
Qoǵamdyq tamaqtaný oryndarynda tamaqtaný kezindeáleýmettik araqashyqtyqty saqtaı
otyryp jáne 5 jasqa deıingi balalardy kospaǵanda, qoǵamdyq oryndarda, barýǵa
jáne demalýǵa arnalǵan oryndarda, qoǵamdyq kólikterde medıtsınalyq nemese mata
betperdelerin kııý mindetti;
Jasy 65-ten asqan adamdarǵa azyq-túlik, dári-dármek pen medıtsınalyq buıymdardy,
sondaı-aq qajetti taýarlardy satyp alýdy jáne medıtsınalyq mekemelerge barýdy
qospaǵanda asa qajettilik bolmasa turǵylyqty jerinen shyqpaýǵa usynys berilip otyr.
Sondaı-aq, oblys turǵyndary halyq kóp shoǵyrlanatyn jerlerge barmaýǵa, áleýmettik
araqashyqtyqty saqtaýǵa, betperde tártibin jáne jeke bas gıgıenasyn saqtaýy tıis.
Eske sala ketelik, budan buryn Atyraý oblysynda bir táýlikte 77 adam koronavırýs
juqtyrǵanyn habarlap edik.