Atyraýda karantındik baqylaýda 37 adam jatyr
ATYRAÝ. QazAqparat –Atyraý oblysynda 37 adam karantındik baqylaýda jatyr. Bul týraly oblystyq Densaýlyq saqtaý basqarmasy basshysynyń orynbasary Gúlnafıs Tańbaeva Óńirlik kommýnıkatsııalar qyzmetinde ótken brıfıngte málim etti, dep habarlaıdy QazAqparat.
Onyń aıtýynsha, provızorlyq statsıonarda 30 adam jatyr. Al, №2 oblystyq aýrýhananyń ınfektsııalyq bóliminde 3 adam dárigerlerdiń baqylaýyna alyndy. Sondaı-aq, Qurmanǵazy aýdanynda –2, Mahambet aýdanynda –1, Jylyoı aýdandyq aýrýhanasynda 1 adam bar.
«Statsıonarda jatqan adamdar ózderin jaqsy sezinedi. Olardan alynǵan saraptama qorytyndysy teris nátıje kórsetti. Soǵan qaramastan, olar áli de birneshe kún dárigerlerdiń baqylaýynda bolady», - dedi Gúlnafıs Tańbaeva.
