Atyraýda karantın talabyn buzǵandarǵa 48 mln teńge aıyppul salynǵan
Atyraý oblysynda jyl basynan beri karantın buzǵan 500-ge jýyq derek tirkelgen.
Monıtorıng toptary 10 myńǵa jýyq reıd ótkizip, 42 542 nysandy teksergen.
Shekteý sharalaryn buzǵandarǵa jalpy somasy 48 mln teńgeden astam aıyppul salynǵan.
Máselen, 1-12 shilde aralyǵynda 344 tekserý júrgizip, 1 190 nysan baqylaýǵa alynǵan.
Onyń ishinde 20 nysan karantın buzǵan. Olarǵa qatysty ákimshilik hattamalar toltyrylyp, salynǵan kólemi 2 mln 500 myń teńgeni quraǵan.
«Atyraý qalasynda 13 monıtorıng toby bar. Jumys kúnderi kúndiz tekserý júrgizýge bir top shyǵady. Al, demalys kúnderi úsh top nysandarǵa tekseris júrgizedi. Mobıldik toptardyń nysan ishine kirýine kedergiler týyndaıdy. Óıtkeni, nysan ıeleri esikti ishinen qulyptap, jumysyn jalǵastyra beredi. Osyndaı sebepke baılanysty monıtorıngtik top nysannyń ishine kirip, tekseris júrgize almaıdy. Sondyqtan, meıramhana ıelerimen, saltanatty shara ótkizýshilermen túsinispeýshilik men kıkiljiń oryn alady» - deıdi Atyraý qalalyq kásipkerlik jáne aýyl sharýashylyǵy bóliminiń basshysy Rýslan Daýletov.
Onyń málimetinshe, shekteýlerdi jıi buzatyn nysandar qatarynda «Florııa», «Vivaldi», «SKY BAR», «End Ne Stimz», «Ryba moeı mechty» jáne «URBAN» sekildi klýbtar men barlar bar.
Eske sala ketelik, buǵan deıin Atyraýda demalys kúnderi bazarlar, dámhanalar, saýnalar jumys istemeıtinin habarlaǵan edik.
