Atyraýda karantın shekteýlerine qaramastan jumys istep kelgen kazıno anyqtaldy

NUR-SULTAN. QazAqparat - QR Qarj mınıstrligi Qarjy monıtorıngi komıtetiniń Atyraý oblysy boıynsha Ekonomıkalyq tergeý departamenti «Búrkit» arnaıy maqsattaǵy jasaǵynyń kómegimen júrgizgen jedel-izdestirý is-sharasy nátıjesinde «Bomond» kafesiniń VIP zalynda ornalasqan jasyryn kazıno qyzmetiniń jolyn kesti, dep habarlaıdy QazAqparat.

Kazınonyń uıymdastyrýshylar pandemııa kezinde karantın rejımin buzyp, kazıno túrinde zańsyz oıyn bıznesin jasyryn júzege asyrǵan.

Oqıǵa ornyn tekserý barysynda arnaıy kenep, oıyn kartalary, «Tehas Holdem» poker oıynyna arnalǵan chıpter, chıpterge arnalǵan stendter tabylyp, tárkilendi

Oıyn fıshkalary jasyryn kazıno uıymdastyrýshylaryna tıesili «Kaspıı Gold» kartochkalaryna aqsha aýdarý arqyly satyp alynǵan.

«Atalǵan fakti boıynsha QR QK 307-baby 1-b. negizinde sotqa deıingi tergeý tirkeldi. Tergeý amaldary júrgizilýde»-delingen QR Qarjy mınıstrliginiń Qarjy monıtorıngi komıtetiniń baspasóz qyzmeti.