Atyraýda karantın kezinde túngi klýb jumys istegen
ATYRAÝ. QazAqparat –Atyraýda karantınge qaramastan tún ortasyna deıin jumys istegen túngi klýb pen dámhana anyqtaldy, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetine súıensek, Atyraý qalasynyń Avangard-2 yqshamaýdanynda ornalasqan kóńil kóterý orny túngi saǵat 01:00 shamasynda klıentterge qyzmet kórsetken.
«Tártip saqshylary kelgen kezde túngi klýbta 100-ge jýyq klıent bolǵan. Osy yqshamaýdandaǵy taǵy bir dámhana tún ortasy aýǵansha jumys istegeni anyqtaldy. Atalǵan nysandardyń ıelerine qatysty jınaqtalǵan qujattar Atyraý qalalyq taýarlar men qyzmetterdiń sapasy men qaýipsizdigin qadaǵalaý basqarmasyna joldandy» -dedi departamenttiń baspasóz qyzmeti.
