Atyraýda karantın erejesin buzǵandarǵa qatysty 106 is qozǵaldy
ATYRAÝ. QazAqparat – Atyraý oblysynda karantın rejımin buzǵandarǵa qatysty 29,5 mln teńgeniń 106 ákimshilik isi qozǵaldy, dep habarlaıdy QazAqparat.
Oblystyq Taýarlar men qyzmetterdiń sapasy men qaýipsizdigin baqylaý departamentiniń málimetinshe, mobıldi toptar saýda jáne servıstik qyzmet kórsetetin 1243 nysanǵa reıd júrgizgen.
«Reıd kezinde jeke tulǵalar men shaǵyn jáne orta kásipkerlik nysandaryna qatysty 29,5 mln teńgeniń 106 ákimshilik isi qozǵaldy. Sonyń ishinde nysandarda qyzmetin kórsetý kezinde karantın talabyn buzǵan 42 jeke tulǵaǵa aıyppul salyndy. Jeke tulǵalarǵa salynǵan aıyppuldyń jalpy somasy 2 mln 291 myń teńge. Sondaı-aq, 36 azyq-túlik dúkeni men 4 qoǵamdyq tamaqtaný orny, 1 kompıýterlik oıyn klýby men 1 uıaly baılanys dúkeni, 4 kólik jóndeý ortalyǵy men 1 qurylys dúkeni, 3 janarmaı quıý stansasy men 1 sýpermarkettiń ıesine ákimshilik shara qoldanyldy. Olarǵa salynǵan aıyppuldyń kólemi – 27,158 myń teńge», - dep habarlady departamenttiń baspasóz qyzmeti.
Eske sala ketelik, budan buryn Atyraýda karantındi buzǵandarǵa 8,3 mln teńgeniń ákimshilik isi qozǵalǵan edi.
