Atyraýda karantın 8 maýsymǵa deıin sozylady

Qaýlyda turǵyndarǵa 2 metr áleýmettik ara qashyqtyqty saqtaý, mindetti túrde masqa taǵý mindettelgen. Atyraý qalasy, Jylyoı aýdany, Maqat aýdanyndaǵy Maqat kentinde karantın kúsheıtilgen kúıinde qalady.

1. Atyraý oblysy aýmaǵynda shekteý sharalary sozylsyn jáne Atyraý qalasy, Jylyoı aýdany, Maqat aýdany, Maqat poselkesinde karantın rejımi 2020 jylǵy 8 maýsym 07:00-ge deıin cozylsyn.

2020 jylǵy 25 mamyr saǵat 07.00-den 8 maýsym saǵat 07.00-ge deıin Atyraý oblysynyń jedel shtaby bekitken blokposttardy kesip ótý erejesinde kórsetilgen jaǵdaıdan tys, Atyraý qalasynyń karantındik aımaqtaryna kirip-shyǵýǵa tyıym salynsyn.

2 metrge deıin áleýmettik ara qashyqtyqty saqtaı otyryp, mindetti túrde masqa taǵý arqyly (úsh adamnan artyq emes top nemese bir otbasy músheleri) azamattarǵa turǵylyqty jerinen shyǵýǵa ruqsat berilsin;

2. Azamattardyń qozǵalysyna tek jumysqa barýǵa, azyq-túlik, dári-dármek, birinshi qajettiliktegi zattardy alýǵa, ruqsat berilgen qyzmet túrlerin alýǵa (turǵylyqty jerine jaqyn mańdaǵy), shuǵyl jaǵdaılar boıynsha dárigerlik kómek alýǵa baılanysty jaǵdaıda ǵana jeke, qyzmettik, qoǵamdyq kólikpen júrýine ruqsat beriledi;

Saǵat 23.00 men 06.00 aralyǵynda Atyraý qalasynda, 21.00 men 6.00 aralyǵynda Jylyoı aýdanynda, 20.00 men 6.00 aralyǵynda Maqat aýdanyndaǵy Maqat poselkesinde memlekettik organdar, jedel járdem jáne shuǵyl medıtsınalyq qyzmet kórsetý qyzmetkerleri, memlekettik medıtsınalyq mekemeler, sanıtarlyq – epıdemıologııalyq qyzmet, órt sóndirý, avarııalyq qutqarý jáne avarııalyq tehnıkalyq qyzmet, sondaı aq, strategııalyq mańyzdaǵy nysandarǵa óndiristik qyzmet kórsetetin jáne ómirdi qamtamasyz etý nysandary qyzmetkerlerinen (bógde adamdarsyz, otbasy múshelerinsiz jáne qyzmettik kýálik pen jumys ornynan berilgen anyqtamasymen) basqa azamattar men kólikterdiń qozǵalysyna jappaı tyıym salynady.

3. Atyraý oblysy ákimdigi:

1) Qazaqstan Respýblıkasynyń Bas memlekettik sanıtarııalyq dárigeriniń 2020 jylǵy, 22 mamyrdaǵy № 37 -shi qaýlysynyń (ári qaraı QR BMSDQ) 15-shi qosymshasyna sáıkes, sanıtarlyq-dezınfektsııalyq talaptardy saqtaı otyryp, Atyraý qalasynda saǵat 06.00 men 23.00 aralyǵynda qoǵamdyq kólik qyzmeti tolyqtaı qalpyna keltirsin.

2) iri kólemdegi dýmandy, sporttyq, ózge de buqaralyq sharalardy ótkizýge, sonymen birge, otbasylyq, eske alý sharalarynyń, sonyń ishinde úıde ótkizilýine tyıym salsyn.

3) dinı nysandardyń jumysyna tyıym salsyn;

4) QR Úkimetiniń vedomstvoaralyq komıssııasymen bekitilgen reısterden basqa, Atyraý halyqaralyq áýejaıynyń, temirjol vokzaly, avtovokzal jumysynyń toqtatylýyn saqtasyn.

4. Atyraý oblysy ákimdigi «Atameken» UKP-men birlese otyryp, 2020 jylǵy 25 mamyr saǵat 7.00-den bastap, tómendegi kásipkerlik uıymdar men kásiporyndardyń qyzmetin qamtamasyz etsin:

1) týrıstik agenttikter (QR BMSDQ 11 qosymshasyna sáıkes);

2) kóńil kóterý nysandarynsyz saıabaq, alań, shaǵyn baqtarǵa, jaǵalaýǵa úsh adamnan artyq emes toppen nemese bir otbasy múshelerimen barýǵa ruqsat berilsin;

3) avtosóreler men satýshy, satyp alýshylar arasynda ara qashyqtyqty saqtaı otyryp, jergilikti aýylsharýashylyǵy ónimderi úshin ashyq alańdarda jármeńke ótkizýge 9.00-17.00 jumys ýaqyty aralyǵynda ruqsat berilsin;

4) saǵat 09.00-22.00 aralyǵynda gıpermarket, sýpermarket, azyq-túlik dúkenderi, dárihana, birinshi qajettiliktegi taýarlar saýdasy nysandarynyń (QR BMSDQ 17 qosymshasyna sáıkes) jumysyna ruqsat berilsin;

5) dámhana, meıramhana, kofehana, ashana, bar (qorqor barynan basqa) jumystaryna bir mezgilde qabyldaý 30 adamnan artyq emes (ashyq alańdarda 50 adamnan artyq emes) jaǵdaıda jáne 2 metrden kem emes áleýmettik ara qashyqtyqty saqtaı otyryp, bir ústelde 4 adamnan artyq emes adamdy otyrǵyza otyryp (otbasy múshelerinen basqa), (QR BMSDQ 17 qosymshasyna sáıkes) saǵat 09.00-22.00 jumys rejımi aralyǵynda qyzmetine ruqsat berilsin.