Atyraýda qaraqshylyq shabýylǵa qatysty 4 adam ustaldy
ATYRAÝ. QazAqparat - Atyraý polıtseıleri qaraqshylyq shabýyldy izin sýytpaı ashty, dep habarlaıdy QazAqparat tilshisi.
14 aqpanda tańǵy saǵat 04.15 shamasynda polıtsııaǵa áıel adam habarlasyp, páterine belgisiz 4 adam kirip kelip, pyshaqpen qorqytyp, búkil aqshasy men telefonyn alyp ketkenin aıtyp shaǵymdanǵan.
«Oqıǵa ornyna jedel tergeý toby jiberildi. Jábirlenýshi áıel kúdiktiler oqıǵa orynynan qashyp ketken kóliktiń markasy esinde qalǵanyn aıtty», - delingen habarlamada.
Atyraý qalalyq polıtsııa basqarmasynyń búkil jeke quramyna baǵdar beriledi.
«Jedel basqarý ortalyǵy men krımınaldy polıtsııa basqarmasy qyzmetkerleriniń birlesken jumysynyń arasynda qaraqshylar uzamaı quryqtaldy», dep habarlady oblystyq Polıtsııa departamentinen.
Aıta ketelik, 4 kúdikti qamaýǵa alyndy. Qazir sotqa deıingi tergeý QR QK-niń 192-baby boıynsha júrgizilýde.
