Atyraýda Qarabatan eldi mekeninen 27 otbasy qalaǵa qonys aýdardy
ATYRAÝ. QazAqparat –Atyraýda Qarabatan eldi mekeninen 27 otbasy qalaǵa qonys aýdardy, dep habarlaıdy QazAqparat.
Atyraý qalalyq ákimdigi baspasóz qyzmetiniń málimetinshe, Qarabatan eldi mekenindegi 27 otbasynyń 210 múshesi bar. Olardyń deni – temirjolshylar. Alaıda, olar uzaq jyl turmys qıyndyǵyn kórip kelgen. Ótken ǵasyrdyń 60-shy jyldary salynǵan eski úılerde «kógildir otyn», joldar men kóshe jaryǵy bolmaǵan.
«Jyl saıyn óńir, qala basshylaryna qıyndyq kórip otyrǵanymyzdy aıtyp, bizdi qalaǵa kóshirýdi suradyq. Bıyl Atyraý qalasynyń ákimi Qaırat Orazbaevtyń kómegimen shahardaǵy jańa turǵyn úıge qonystandyq», - deıdi temirjol salasynyń ardageri Nazymgúl Óteýova.
Atyraý qalalyq ákimdigi óńir ortalyǵyna qonys aýdarǵan turǵyndarǵa Juldyz shaǵyn aýdanyndaǵy kóp qabatty turǵyn úıden 2 bólmeli 27 páter bólgen. Qazir 24 otbasy kóship kelgen.
«Bıyl Atyraý qalasynda turǵyndardy jańa mekenge kóshirý úshin 813 páter bólindi. Apatty úılerde turatyn turǵyndardyń 40%-y jańa baspanaǵa ıe boldy. Qala ákimdigi qonys aýdarý baǵdarlamasyn jalǵastyryp, jyl sońyna deıin J.Moldaǵalıev, M.Tólebaev kóshelerindegi úsh jataqhananyń turǵyndaryn turǵyn úımen qamtamasyz etýdi josparlap otyr. Bul jataqhanalardyń turǵyndary úshin 332 páter bólinedi», - dep qalalyq ákimdiktiń baspasóz qyzmeti.
