Atyraýda Qanat Islam balalar úıine teledıdar syıǵa tartty
ASTANA. QazAqparat - Búgin, 11 qarashada Atyraýǵa kásibı boksshy Qanat Islam bardy, ol Sabyr Qazybaev atyndaǵy balalar úıinde boldy. Belgili sportshy Atyraýǵa dene shynyqtyrý jáne sport basqarmasynyń shaqyrtýymen keldi. bul týraly oblys ákiminiń baspasóz qyzmeti habarlady.
Bizdiń sportshylarǵa kásibı rıngtegi Qanat Islamnyń jeńisteri jiger beredi, dedi basqarma basshysy Azaat Beket. - Biz boksshyny balalarǵa arnap kezdesý, sheberlik synybyn ótkizsin dep shaqyrttyq.
Sheberlik synyby aldynda Qanat Islam Sabyr Qazybaev atyndaǵy jetim balalar men ata-anasynyń qaraýynsyz qalǵan balalar úıine bardy. Boksshy balalarmen áńgimelesti, olar daıyndaǵan kontsertti tamashalady. Kezdesý sońynda olarǵa boksshy plazmalyq teledıdar tabys etti.
Qoshtasar aldynda bir nárse aıtqym keledi, - dedi Qanat Islam tárbıelenýshi balalarǵa. - ómirde adamnyń álsirep, bárine qol siltep, ómirden baz keship ketkisi keletin sátteri bolady. Mundaı ýaqytta barlyq kúsh-jigerińdi jınap, tisińdi qaırap, tegeýrindi eseleı túsý mańyzdy. Qazirgi ataqty chempıondarymyz da ómir boıy aldyna maqsat qoıyp, qıyndyqqa berilmeıtindikten jetistikke jetti. Osy qaǵıdany ustansańdar, qandaı qıyndyq aldyńdy orasa da, jeńisti qoldan bermeıtin bolasyńdar.
Jetimder úıinen basqa Qanat jas boksshylarǵa sheberlik synybyn ótkizip, stýdenttermen sóılesti, Atyraý oblysynyń ákimi Nurlan Noǵaevpen kezdesti.
Qanat Islam 2012 jyly birinshi orta salmaqta WBA Fedecaribe tıtýlyn jeńip aldy. Sportshy 2008 jylǵy Olımpıada oıyndarynyń qola júldegeri. QR eńbek sińirgen sport sheberi. Buryn «Astana Arlans» (WSB) komandasynyń kapıtany bolǵan.
