Atyraýda qamys arasynan brakonerler jasyrǵan 105 mln teńgeniń bekiresi tabyldy
Balyq sharýshalyǵy komıtetiniń baspasóz qyzmetinen málim etkendeı, qamys arasyna jasyrylǵan baǵaly balyq 20 mamyrda tabylǵan.
«Jaıyq-Kaspıı oblysaralyq balyq sharýashylyǵy basseındik ınspektsııasynyń qyzmetkerleri 20 mamyrda saǵat 18:50-de «Bekire-2023» keń aýqymdy balyq qorǵaý aktsııasy sheńberinde Jambyl aýyly mańynda reıdtik is-sharanyótkizdi. Reıd kezinde Jaıyq ózeniniń jaǵalaýyndaǵy qamys arasynan jalpy salmaǵy 101,6 keli bekire tuqymdas balyq túrleri tabyldy. Baǵaly balyq 4 qapqa salynǵan», -dep habarlady komıtettiń baspasóz qyzmeti.
Atalǵan derek QR Qylmystyq kodeksiniń 339-baby 1-bóligine sáıkes sotqa deıingi biryńǵaı tizilimge tirkelgen. Quqyq qorǵaý organdary sotqa deıingi tergeý júrgizedi.
«Balyq resýrstaryna keltirilgen zalal aldyn ala esep boıynsha 105 mln 156 myń teńgeni qurady. «Bekire – 2023» keń aýqymdy balyq qorǵaý aktsııasy jalǵasyp jatyr», -dep málim etti baspasóz qyzmetinen.
Eske sala ketelik, buǵan deıin brakonerler Atyraý oblysynda 64 mln teńgeniń balyǵyn qamys arasyna jasyryp ketkenin habarlaǵan bolatynbyz.
Jaıyq ózeniniń jaǵalaýyndaǵy qamys arasynan 62,2 keli bekire tabyldy. Brakonerler bekireni 3 qapqa salyp jasyrǵan. Aldyn ala málimetke sáıkes balyq resýrstaryna keltirilgen zalal mólsheri 64 mln 377 myń teńgeni quraıdy.
