Atyraýda KamAZǵa soǵylǵan LADA júrgizýshisi men onyń úsh jolaýshysy aýrýhanaǵa tústi
Atyraý oblystyq polıtsııa departamenti baspasóz qyzmetiniń málimetine súıensek, jol-kólik oqıǵasy 18 aqpanda bolǵan.
«Jergilikti ýaqytpen saǵat 16:10 shamasynda respýblıkalyq mańyzy bar «Atyraý – Oral» baǵytyndaǵy tasjoldyń 62-shaqyrymy tusynda eki kólik soqtyǵysty. Jol apatynyń saldarynan KamAZ-ǵa soǵylǵan LADA jeńil avtokóliginiń júrgizýshisi men 3 jolaýshysy túrli dene jaraqatyn aldy. Zardap shekken 4 adam Mahambet aýdandyq aýrýhanasyna jetkizildi», -dep habarlady departamenttiń baspasóz qyzmeti.
Qazir Mahambet aýdandyq polıtsııa bóliminiń qyzmetkerleri jol-kólik oqıǵasyna qatysty tıisti is-qujattar jınaqtap jatyr.
«Qys mezgilinde aýa raıynyń qolaısyzdyǵynan jol ústinde kóktaıǵaq qalyptasyp otyr. Mundaı kezde kólik júrgizýshileri saqtyq sharalaryna nemquraıly qaramaı, jolda júrý erejesin qatań saqtaý qajettigin eskertemiz», -dep málim etti departamenttiń baspasóz qyzmetinen.
Eske sala ketelik, buǵan deıin Atyraýda jol apatynan júrgizýshi oqıǵa ornynda, bir jolaýshy aýrýhanada kóz jumǵanyn habarlaǵan edik.
Jol apaty «Atyraý-Inder» tasjolynyń 72-shaqyrymynda Toyota Ipsum men Lada Granta avtokólikteri soqtyǵysqan. Sonyń saldarynan Lada Granta avtokóliginiń 1997 jylǵy júrgizýshisi oqıǵa ornynda kóz jumdy. Al, 1962 jylǵy jolaýshy aýrýhanada qaza tapty. Toyota Ipsum kóliginiń júrgizýshisi men 3 jolaýshy túrli jaraqatpen Mahambet aýdandyq ortalyq aýrýhanasyna jetkizildi.
Jol apatynan Toyota Ipsum kóligi órtenip ketti.