Atyraýda KamAZ kóligi qaqqan 6 jasar bala mert boldy
Jol-kólik oqıǵasy búgin, 30 mamyrda jergilikti ýaqytpen saǵat 19:20 shamasynda bolǵan.
Bul derekti Atyraý oblystyq polıtsııa departamentiniń baspasóz qyzmeti rastady.
«Atyraý qalasynyń Juldyz-2 shaǵynaýdanynda KamAZ júk kóligi velosıpedpen kele jatqan 6 jasar balany qaǵyp ketkeni anyqtaldy. Kólik qaqqan bala oqıǵa ornynda mert boldy. Atalǵan jol-kólik oqıǵasyna qatysty is-qujattar jınaqtalyp jatyr», -dep habarlady departamenttiń baspasóz qyzmeti.
Polıtsııa qyzmetkerleri jazǵy demalys kezeńi jaqyndaǵandyqtan ata-analarǵa balalar qaýipsizdigin qadaǵalaýdy eskertip otyr.
Qaýipsizdiktiń basty talaby – jol qozǵalysy erejesin saqtaý.
Eske sala ketelik, budan buryn Atyraý oblysynda jol apatynan 4 sheteldik mert bolǵanyn habarlaǵan edik.
Jol apaty 20 mamyrda saǵat 02:20 shamasynda Atyraý oblysynyń aýmaǵynda Dossor-Qulsary-Beıneý tasjolynyń 133-shi shaqyrymynda bolǵan.
Toyota Ipsum men KamAZ júk kóligi soqtyǵysqan. Jol apaty saldarynan Toyota Ipsum avtokóligi órtenip ketken.
Onyń júrgizýshisi men 3 jolaýshysy mert boldy. Al, 2 jolaýshy túrli dene jaraqatymen aýrýhanaǵa jetkizilgen.
«Mert bolǵan tórt adamnyń arasynda 4-5 jas shamasyndaǵy búldirshin bar. Qaza tapqandardyń jeke basyn anyqtaý jumystary júrgizilip jatyr. Kóz jumǵandar Ózbekstan Respýblıkasynyń azamattary ekeni anyqtaldy», -dep habarlaǵan edi patrýldik polıtsııa rotasynyń komandıri, polıtsııa kapıtany Ádilbek Shahmetov.
