Atyraýda qalanyń úsh ortalyq kóshesin qaıta jańǵyrtý jáne keńeıtý jobasy aıaqtaldy

Jobany iske asyrý joldarda avtomobıl qozǵalysynyń ósýine, sondaı-aq kólik quraldary sanynyń ulǵaıýyna baılanysty týyndady, dep habarlaıdy QazAqparat tilshisi.

Jobaǵa qalanyń úsh kóshesin: Baımuhanov, Vladımırskıı jáne Taımanov kóshelerin qaıta jańǵyrtý jáne keńeıtý jumystary kiredi. Sondaı-aq merdiger uıym «Atyraýınjstroı» JShS-niń aldynda jol jıekterin ornatý, jaıaý júrginshiler joly men drenaj naýalaryn salý, sýarý qubyrlaryn júrgizý, turaqtar jáne oń jaq baǵyttaǵy ótetin joldardy salý, aıaldama pavılondaryn ornatý, kóshe jaryǵyn aýystyrý men jol belgilerin salý mindetterin atqarýy kerek boldy. Kóshelerdi rekonstrýktsııalaý jáne keńeıtý jumystary 6 aı boıy - aǵymdaǵy jylǵy səýirden qazan aıynyń sońyna deıin júrgizildi.

Jóndelgen joldyń jalpy uzyndyǵy: Taımanov kóshesi 2340 m, Vladımırskıı kóshesi- 2646 m, Baımuhanov kóshesi - 3430 m qurady.

«Jobany iske asyrý joldarda avtomobıl qozǵalysynyń ósýine, sondaı-aq kólik quraldary sanynyń ulǵaıýyna baılanysty týyndady. Únemi kólik keptelisi bolatyn jáne qozǵalys kezinde qolaısyzdyqtar týyndaıtyn kóshelerdegi qozǵalysty jeńildetý úshin jolaqtar ulǵaıtyldy. Atap aıtqanda, Vladımırskıı kóshesi 2 jolaqtan 4 jolaqqa deıin ulǵaıdy. Búginde júrginshiler bóliginiń eni joba boıynsha 7 m, 10,5 m jáne 14 m quraıdy»,- dedi Atyraý qalasy əkiminiń orynbasary Nurlan Taýbaev.