Atyraýda qala turǵynynyń 2 mln teńgesin aldap alǵan alaıaq ustaldy
ATYRAÝ. QazAqparat – Atyraýda qala turǵynyn aldap, 2 mln teńgesin alǵan alaıaq ustaldy, dep habarlaıdy QazAqparat.
Oblystyq polıtsııa departamenti baspasóz qyzmetiniń aqparatyna qaraǵanda, 22 jeltoqsanda Atyraý qalasynyń 29 jastaǵy turǵyny alaıaqqa aldanǵany týraly shaǵymdanǵan.
«Shaǵymdanýshy 3 bólmeli páter alyp beremin degen 38 jastaǵy azamatshanyń sózine senip, 2 mln teńge qarajatyn bergen. Nátıjesinde páterdi de almaı, aqshasyn da qaıtara almaǵan jábirlenýshi alaıaqtyń toryna túskenin ańǵarǵan. Atalǵan derekke qatysty QR Qylmystyq Kodeksiniń 190-babynyń 2-bóligimen sotqa deıingi tergep-tekserý bastaldy», - dep habarlady departamenttiń baspasóz qyzmeti.
Polıtsııa qyzmetkerleri jedel-tergeý is-sharasyn júrgizip, atalǵan qylmysty jasady degen kúdikpen 38 jastaǵy azamatshany ustaldy. Qazir sotqa deıingi tergeý júrip jatyr.
Eske sala ketelik, buǵan deıin Atyraýda alaıaq dırektor turǵyndardyń 300 mln teńgesin aldap alǵanyn jazǵan bolatynbyz.
