Atyraýda qala kúnine arnalǵan kórmege 100-den astam fotosýret qoıyldy
ATYRAÝ. QazAqparat – Atyraýda qala kúnine arnalǵan kórmege 100-den astam fotosýret qoıyldy, dep habarlaıdy QazAqparat.
Oblystyq kásipkerler men jumys berýshiler odaǵy qala kúnine oraı «Atyraý – súıikti qala» fotokórmesin uıymdastyrdy. Oǵan munaıly shahardyń qaıtalanbas kórinisterin obektıvke ilgen 20-dan astam kásib jáne áýesqoı fotograf qatysty. Olar kórmege 100-den astam fotosýret usyndy.
«Ótken jyly pandemııaǵa baılanysty qala kúnin atap ótý múmkin bolmady. Biz bıyl óńirdiń «sary» aımaqqa ótip, karantın jeńildetilýine oraı fotokórme ótkizýdi uıǵardyq. Óıtkeni, fotograftardyń arasynda óz fotosýretterin tek áleýmettik jelige júktep júrgen sheberler kóp. Sondyqtan, qala turǵyndaryna naǵyz kásipqoılardyń jumysyn oflaın formatta usynýdy jón kórdik» - deıdi oblystyq kásipkerler men jumys berýshiler odaǵy dırektorynyń orynbasary Rafhat Bozbalıev.
Eske sala ketelik, budan buryn Atyraýda Nazarbaev zııatkerlik mektebinde kún elektr stansasy iske qosylǵanyn habarlaǵan bolatynbyz.
