Atyraýda qabaǵan ıt er adam men polıtseıdi jaraqattady

ATYRAÝ. QazAqparat - Mas atyraýlyqtyń qabaǵan ıtiniń shabýylynan eki adam jaraqat aldy. Onyń biri – polıtsııa qyzmetkeri, dep habarlaıdy QazAqparat tilshisi.

Oqıǵa búgin, 24 maýsymda bolǵan. Qabaǵan ıttiń ıesin ustaý sáti Іnstagram áleýmettik jelisinde júkteldi.

Bul derekti oblystyq polıtsııa deprartamentinń baspasóz qyzmeti rastady.

«Jergilikti ýaqytpen túngi saǵat 01:15 shamasynda 102 operatoryna Atyraý qalasynyń «Avangard-2» shaǵyn aýdanyndaǵy kópqabatty úıdiń birine 1999 jylǵa áıeldiń kire almaı turǵanyn jóninde habar tústi. Osyǵan baılanysty patrýldik polıtsııa batalonynyń jaıaý qyzmetkerleri atalǵan úıdiń aýlasyna keldi. Habar bergen áıel men tanysyna belgisiz er adamnyń tıisip, Stafford tuqymdas ıtin baǵyttaǵany anyqtaldy. Qabaǵan ıt 1992 jylǵy er adamnyń qolyn tistegeni anyqtaldy. Keıin er adam qabaǵan ıtin polıtsııa qyzmetkerlerine baǵyttap, qashyp ketýge oqtaldy. Oqıǵa ornyna avtopatrýldeý ekıpajynyń qyzmetkerleri kómekke keldi. Polıtseıler QR Quqyq qorǵaý organdary týraly zańynyń 61-babynyń 6-tarmaǵyna sáıkes arnaıy quraldardy qoldanyp, ıtti zalalsyzdandyrdy. Al, ıttiń ıesi medıtsınalyq kýálandyrý qorytyndysymen mas kúıde bolǵany dáleldendi», -dep habarlady departamenttiń baspasóz qyzmeti.

Qabaǵan ıttiń shabýylynan patrýldik polıtsııa batalony qyzmetkeriniń beti jaraqattanǵan. Polıtsııa qyzmetkerine medıtsınalyq kómek kórsetildi. Al, ıttiń ıesi – 1991 jylǵy er adam jedel-tergeý tobyna jetkizilgen.

Eske sala ketelik, buǵan deıin Atyraýda mas júrgizýshiniń biri 20 kúnge qamalyp, ekinshisi 7 jylǵa júrgizýshi kýáliginen aıyrylǵanyn jazǵan edik.