Atyraýda ıt talaǵan balanyń jaǵdaıy turaqty aýyr kúıde qalyp otyr
ATYRAÝ. QazAqparat - Atyraýda ıt talaǵan jeti jasar balanyń jaǵdaıy «turaqty aýyr» dep baǵalanýda, dep habarlady «QazAqparat» HAA tilshisi.
«Erkinqala kentinen ıt qapqan bala bizge klınıkalyq ólim jaǵdaıynda tústi. Onyń júregi soqpady, dem ala almady. Alaıda reanımatolog onyń júreginiń jumysyn qalpyna keltire aldy. Balany jasandy ókpeni jeldetkish apparatyna qosty. Denesinde jyrylǵan jaraqattar kóp.
Birtindep balanyń jaǵdaıy qalypqa keldi. Qazir ol ózi dem alyp jatyr. Alaıda dárigerler onyń jaǵdaıyn burynǵysha aýyr dep baǵalaýda», - dedi «QazAqparat» HAA tilshisine oblystyq balalar aýrýhanasynyń bas dárigeriniń orynbasary Oryndyq Sıplova.
Atyraý qalasy ákiminiń orynbasary Amantaı Aıtbaevtyń aqparatyna sáıkes, 2016 jyly Atyraý oblysynda 1 494 adam janýardan zardap shekken, onyń 88,9%-yn ıt qapqan.
