Atyraýda ıt qaýyp, klınıkalyq ólimdi bastan keshken bala aýrýhanadan shyǵady
ATYRAÝ. QazAqparat - Atyraýda ıt qaýyp, klınıkalyq ólimdi bastan keshken jeti jasar bala oblystyq balalar aýrýhanasynan shyqqaly jatyr, dep habarlaıdy QazAqparat tilshisi.
«Bizge óte aýyr jaǵdaıda túsken balanyń qazirgi jaǵdaıy qanaǵattanarlyq. Jaralary jazylyp keledi jáne apta sońynda ony úıge shyǵaramyz. Turǵylyqty jeri boıynsha dárigerge qaralyp turady», - dedi Atyraý oblystyq balalar aýrýhanasynyń bas dárigeri Nurǵabyl Aıtmuhanbetov.
Eske sala ketsek, Erkinqala kentinde bir top qańǵybas ıt jeti jasar balany talaǵan. Ol aýrýhanaǵa klınıkalyq ólim jaǵdaıynda tústi. Alaıda reanımatolog onyń júreginiń jumysyn qalpyna keltire aldy.
