Atyraýda isker áıelder shaǵan kóshetterin ekti
Oblystyq isker áıelder keńesiniń tóraǵasy Gúljan Muhataevanyń aıtýynsha, bul – keńes músheleriniń bastamasy. Olar qalany kógaldandyrýǵa úles qosýdy kózdegen. Bastamaǵa oblystyq ákimdik qoldaý bildirgen. Keńes músheleri áýejaıǵa jaqyn ornalasqan kóshege shaǵan (ıasen) kóshetterin ekti.
«Bul is-shara Otan qorǵaýshylar kúnimen tuspa-tus keldi. Halqymyzda «Er – eliniń qorǵany» degen bar. Áıelder qaýymynyń bul ıgilikti isin er-azamattarǵa degen syı-qurmettiń biri deýge bolady. Al, aǵash egý – ejelden kele jatqan ıgi amaldyń biri. «Bir tal kesseń, on tal ek» degendeı, qalamyzdyń tazalyǵy úshin árqaısymyz qoldan kelgenshe úles qosaıyq», - dedi oblys ákiminiń orynbasary Baqytgúl Qaıyrjanqyzy.
Keńes músheleri alda taǵy da birneshe kóshege kóshet egýdi josparlap otyr.