Atyraýda ınklıýzıvti synyp ashyldy
ATYRAÝ. QazAqparat - Atyraýdaǵy «Avangard» yqshamaýdanyndaǵy №3 gımnazııa-mektebinde ınklıýzıvti synyp ashyldy, dep habarlaıdy QazAqparat tilshisi.
Inklıýzıvti synyptyń ashylýyna Atyraý oblysy Bilim basqarmasynyń qyzmetkerleri, qalalyq bilim bóliminiń ınklıýzıv boıynsha jaýapty mamany, Atyraý oblystyq psıhologııalyq-medıtsınalyq-pedagogıkalyq konsýltatsııa mekemesiniń basshysy, mektep ujymy men ata-analar qatysty. Qazirdiń ózinde synypta 5 bala bilim alyp jatyr.
Munda psıhologııalyq damýynda aýtızm belgileri bar balalardy AVA ádisi boıynsha oqytý kózdelgen. Pedagogtardyń súıemeldeýimen oqýshylardy qalypty balalardyń qataryna qosý ortalyq mamandarynyń maqsaty. Synyp «Inklıýzııa bolashaq - Atyraý» qoǵamdyq birlestiginiń bastamasymen, «SOS» kompanııasynyń qoldaýymen ashyldy. Jıynda bilim basqarmasy qyzmetkerleri ınklıýzıvti synyptar ashý jumystaryn júrgizýge qoldaý bildirgeni úshin Atyraý oblysynyń ákimi N.Noǵaevqa alǵys bildirdi.Aıta keteıik, búgin, 13 qyrkúıek kúni qaladaǵy №24 orta mektepte de «ınklıýzıvti synyptyń» ashylý rásimi ótetin bolady.
