Atyraýda inisin órtten qutqarǵan 5-synyp oqýshysyna qurmet kórsetildi
ATYRAÝ. QazAqparat - Atyraýda tótenshe jaǵdaılar departamenti órt kezinde erlik kórsetken 5-synyp oqýshysy Álı Qalmurzın men kórshisi Erbolat Ihsanovqa qurmet kórsetti, dep habarlaıdy QazAqparat tilshisi.
Eske sala keteıik, 29 qańtar kúni tańerteń qaladaǵy kópqabatty páterlerdiń birinde órt tutanǵan bolatyn. Úıde aǵaıyndy Álı men Ádil jalǵyz bolady. Tútinniń ıisin sezgen Álı saspaı inisin kóterip syrtqy shyǵady da, adamdardy kómekke shaqyrady. Kórshisi Erbolat Ihsanov jyldam jetip, páterdiń ishindegi gaz ventılin taýyp, qatty bekitedi. Órt qyzmetkerleri der kezinde kelip, jalyndy sóndiredi.
Búgin Álı Qalmurzın men Erbolat Ihsanovqa bala oqıtyn №17 mektepte qurmet kórsetildi.
«Kez kelgenniń júregi daýalaı bermeıtin jaǵdaıda kórsetken erligi úshin alǵys aıtamyz», - dedi olarǵa alǵys hatty tapsyrǵan Atyraý qalasy TJB bas mamany Asylanbek Hafızuly.
