Atyraýda ınfektsııalyq statsıonarlarda 324 naýqas emdelip jatyr
ATYRAÝ. QazAqparat – Atyraý oblysynda ınfektsııalyq statsıonarlarda 324 naýqas emdelip jatyr, dep habarlaıdy QazAqparat.
Oblystyq densaýlyq saqtaý basqarmasy baspasóz qyzmetiniń málimetinshe, ótken táýlikte 35 adamnyń koronavırýs ınfektsııasyn juqtyrǵany PTR-test arqyly rastalǵan.
«Qaýipti vırýsqa shaldyqqandardyń arasynda 19 naýqas Atyraý qalasynda tirkeldi. Sondaı-aq, Teńiz kenishinde 13 jumysshydan, Jylyoı aýdanynda – 1, Inderde – 1, Qyzylqoǵa aýdanynda 1 adamnan Sovid-19 juqpasy anyqtaldy. Koronavırýstyń sımptomdy túri 14 naýqastan tabylyp otyr» dep málim etti basqarmanyń baspasóz qyzmetinen.
Ótken táýlikte koronavırýs ınfektsııasynan 90 adam emdelip shyqqan.
Biraq, áli de úı jaǵdaıynda emdelýdi jalǵastyrý úshin oqshaýlanǵan 123 adam bar.
Oblystyq ınfektsııalyq statsıonarda - 76, al aýdandardaǵy statsıonarlarda - 21, Teńiz kenishindegi statsıonarda - 227 adam oqshaýlanyp,emdelip jatyr.
Eske sala ketelik, buǵan deıin Atyraýda bir táýlikte 109 naýqas koronavırýstan saýyǵyp shyqqanyn jazǵan edik.
