Atyraýda ınfektsııalyq statsıonarda oryn joq, jańasy ashylǵaly jatyr
ATYRAÝ. QazAqparat –Atyraýda ınfektsııalyq statsıonar naýqastarǵa tolyp qaldy, dep habarlaıdy QazAqparat.
Oblystyq densaýlyq saqtaý basqarmasy basshysynyń orynbasary Gúlnafıs Tańbaevanyń málim etýinshe, Atyraýdaǵy ınfektsııalyq statsıonarda 180 ǵana kereýet bar. Qazir bul statsıonarda 193 patsıent em alyp jatyr.
«Infektsııalyq statsıonardyń jansaqtaý bóliminde jatqan jeti patsıenttiń úsheýiniń jaǵdaıy aýyr dep baǵalanyp otyr. Qazir №2 oblystyq ınfektsııalyq aýrýhanadaǵy ınfektsııalyq statsıonar naýqastarǵa tolyp boldy. Sol sebepten, kelesi aptada Mahambet aýdanynan ınfektsııalyq statsıonar ashýdy josparlap otyrmyz», - dedi Gúlnafıs Tańbaeva.
Eske sala ketelik, Atyraýda 62 medıtsına qyzmetkeri koronavırýs juqtyrǵanyn habarlap edik.
