Atyraýda indetpen kúresip júrgen 6 myń qyzmetkerge test alyndy
ATYRAÝ. QazAqparat – Atyraý oblysynda aldynǵy shepte jumys istep júrgen 6 myńǵa jýyq qyzmetker koronavırýsqa testten ótedi, dep habarlaıdy QazAqparat.
Tótenshe jaǵdaı rejımin qamtamasyz etý jónindegi óńirlik jedel shtabtyń habarlaýynsha, olardyń kópshiligi – tártip saqshylary men medıtsına qyzmetkerleri. Atap aıtqanda, COVID-19 indetin juqtyrý qaýpi bar topqa shetelge shyǵatyn tulǵalar, Іshki ister mınıstrligi, Qorǵanys mınıstrligi, Ulttyq qaýipsizdik komıteti departamentiniń qyzmetkerleri, Ulttyq ulan ókilderi, shuǵyl kómek kórsetetin qala men aýdan ákimdikteri kirdi. Sondaı-aq tegin testten aımaqtyń tynys-tirshiligin qamtamasyz etetin uıym ókilderi, áleýmettik mekemelerdiń qyzmetkerleri, BAQ ókilderi, ınfektsııalyq, provızorlyq jáne karantındik statsıonarlardyń medıtsına qyzmetkerleri óte alady.
«PTR jáne ekspress-testter ınfektsııany juqtyrý qaýpi bar topqa jatatyn adamdar úshin bıýdjet esebinen satyp alyndy. Aldyńǵy shepte jumys isteıtin qyzmetkerler 17 sáýirden bastap testten ótkizilýde. Qazirgi ýaqytta Atyraý oblysynyń myńǵa jýyq turǵynynan synama alynǵan. Al qalǵan bóligin jaqyn ýaqytta ótkizý josparlanyp otyr», - dep habarlady jedel shtabtan.
Sondaı-aq, Atyraý oblysynyń kez kelgen turǵyny «Olımp» zerthana jelisinde koronavırýs ınfektsııasyn anyqtaýǵa arnalǵan PTR-testini aqyly túrde tapsyra alady.
