Atyraýda haıp qýǵan jigit jol qurylysy materıalyn syndyrǵan
Bul týraly áleýmettik jelide vıdeo tarady. Onda jol jıegine ornatylatyn bordıýrdi syndyrǵan jigit «Jumysty beredi de, adamnyń eńbegin jeıdi. Keregi osy ma?» deıdi.
Atyraý qalalyq ákimdigi baspasóz qyzmetiniń málimetinshe, onyń shahar turǵyny ekeni, alaıda, qurylys kompanııasynda jumys istemeıtini anyqtalǵan.
Ol bul vıdeony túsirý arqyly óz akkaýntyna oqyrman jınamaq bolǵan. Endi ol óreskel áreketi úshin ákimshilik jaýapkershilikke tartylyp, 20 aılyq eseptik kórsetkish mólsherinde aıyppul arqalady.
Keıin ol atyraýlyqtardan keshirim suraǵan vıdeo júktedi.
«Bul vıdeony haıp úshin túsirip, jazýshylardy jınaǵym keldi. Bes-alty bordıýrdi buzǵanda, jaryqshaq boldy. Qurylys kompanııalarynan qatelik joq», -deıdi ol.
Eske sala ketelik, Almatydaǵy dúkende áıeldiń omyraýyn ustaǵan er adam Atyraýda ustalǵanyn jazǵan bolatynbyz.
Oqıǵa Almaty qalasyndaǵy sýpermarketterdiń birinde bolǵan.
«Áıel adamnyń omyraýyna qolyn salǵan er adam Atyraý qalasynan anyqtalyp, ustaldy. Atyraý qalasynyń 1988 jylǵy turǵyny óz kinásin tolyqtaı moıyndady. Ol alkogoldik mas kúıde mundaı óreskel áreketke barǵan. Quqyq buzýshylyq áreketi úshin er adam QR Ákimshilik quqyq buzýshylyq týraly kodeksiniń 434-babymen (Usaq buzaqylyq) 5 táýlik ákimshilik qamaýǵa alyndy», -dep habarlady departamenttiń baspasóz qyzmeti.
