Atyraýda Hayat Vax vaktsınasynyń qory taýsylǵan
ATYRAÝ. QazAqparat – Atyraý qalasyndaǵy emhanalarda «Hayat-Vax» vaktsınasynyń qory taýsylǵan, dep habarlaıdy QazAqparat.
Oblystyq Densaýlyq saqtaý basqarmasynyń baspasóz qyzmeti Atyraý qalasy men oǵan taıaý ornalasqan aýyldyq okrýgterdiń emhanalaryndaǵy vaktsınalardyń qory týraly aqparat taratty.
«Atyraý qalasy men aýyldyq okrýgter emhanalarynda «Spýtnık V» vaktsınasy bar. Al, «CoronaVac» vaktsınasy qaladaǵy №1, №2, №3, №5, №7, sondaı-aq, Geolog, Damby, Erkinqala aýyldyq emhanalary men «Medıker» kompanııasynda jetkilikti. Sondaı-aq, №1, №2, №4 jáne Geolog emhanasy men «Medıker» kompanııasynda «QazVac» vaktsınasyn saldyrýǵa bolady. Barlyq emhanalarda «Hayat-Vax» vaktsınasynyń qory taýsyldy. Atyraýǵa bul vaktsına qashan jetkiziletini ázirge belgisiz» -dep málim etti baspasóz qyzmetinen.
Eske sala ketelik, budan buryn Atyraý oblysynda 121 myńnan astam adam vaktsına saldyrǵanyn habarlaǵan edik.
